ਦਿੱਲੀ ਨੇ ਸ਼ਿਖਰ ਧਵਨ (ਨਾਬਾਦ 106 ਦੌੜਾਂ, 61 ਗੇਂਦਾਂ, 12 ਚੌਕੇ, 3 ਛੱਕਿਆਂ) ਦੇ ਅਧਾਰ 'ਤੇ 20 ਓਵਰਾਂ ਵਿਚ ਪੰਜ ਵਿਕਟਾਂ ਗੁਆ ਕੇ 164 ਦੌੜਾਂ ਬਣਾਈਆਂ. ਮਾੜੀ ਸ਼ੁਰੂਆਤ ਤੋਂ ਬਾਅਦ ਪੰਜਾਬ ਮੈਚ ਤੋਂ ਬਾਹਰ ਨਿਕਲਦਾ ਹੋਇਆ ਨਜਰ ਆ ਰਿਹਾ ਸੀ, ਪਰ ਨਿਕੋਲਸ ਪੂਰਨ (53 ਦੌੜਾਂ, 28 ਗੇਂਦਾਂ, 6 ਚੌਕੇ, 3 ਛੱਕੇ) ਅਤੇ ਗਲੇਨ ਮੈਕਸਵੈਲ (32 ਦੌੜਾਂ, 24 ਗੇਂਦਾਂ, ਤਿੰਨ ਚੌਕੇ) ਨੇ ਮੈਚ ਨੂੰ ਪੰਜਾਬ ਵੱਲ ਮੋੜ ਦਿੱਤਾ. .

ਇਨ੍ਹਾਂ ਦੋਵਾਂ ਨੇ ਜੋ ਕੰਮ ਅਧੂਰਾ ਛੱਡਿਆ ਉਸਨੂੰ ਦੀਪਕ ਹੁੱਡਾ (ਨਾਬਾਦ 15) ਅਤੇ ਜਿੰਮੀ ਨੀਸ਼ਮ (ਨਾਬਾਦ 10) ਨੇ ਅੰਜਾਮ ਦਿੱਤਾ. ਪੰਜਾਬ ਨੇ ਟੀਚਾ 19 ਵੇਂ ਓਵਰ ਵਿੱਚ ਪੰਜ ਵਿਕਟਾਂ ਗੁਆ ਕੇ ਹਾਸਲ ਕਰ ਲਿਆ.

ਪੰਜਾਬ ਦੇ ਇਨ-ਫੌਰਮ ਬੱਲੇਬਾਜ਼ ਲੋਕੇਸ਼ ਰਾਹੁਲ (15) ਨੂੰ ਤੀਸਰੇ ਓਵਰ ਦੀ ਦੂਜੀ ਗੇਂਦ 'ਤੇ ਅਕਸ਼ਰ ਪਟੇਲ ਨੇ ਪਵੇਲੀਅਨ ਭੇਜਿਆ. ਕ੍ਰਿਸ ਗੇਲ ਨੇ ਆਉਂਦੇ ਹੀ ਆਪਣੇ ਅੰਦਾਜ਼ ਵਿਚ ਬੱਲੇਬਾਜ਼ੀ ਕੀਤੀ ਅਤੇ ਤਿੰਨ ਚੌਕੇ ਅਤੇ ਦੋ ਛੱਕੇ ਲਗਾਏ.

ਦਿੱਲੀ ਦੇ ਕਪਤਾਨ ਸ਼੍ਰੇਅਸ ਅਈਅਰ ਨੇ ਗੇਲ ਦਾ ਅਹਿਮ ਵਿਕਟ ਲੈਣ ਲਈ ਆਪਣੇ ਚੋਟੀ ਦੇ ਸਪਿਨਰ ਰਵੀਚੰਦਰਨ ਅਸ਼ਵਿਨ ਨੂੰ ਬੁਲਾਇਆ ਅਤੇ ਅਸ਼ਵਿਨ ਨੇ ਉਹਨਾਂ ਨੂੰ ਬੋਲਡ ਕਰਕੇ ਪੰਜਾਬ ਨੂੰ ਵੱਡਾ ਝਟਕਾ ਦਿੱਤਾ. ਗੇਲ ਨੇ 13 ਗੇਂਦਾਂ ਵਿੱਚ 29 ਦੌੜਾਂ ਬਣਾਈਆਂ.

ਪੂਰਨ ਅਤੇ ਮਯੰਕ ਅਗਰਵਾਲ ਵਿਚਕਾਰ ਗਲਤਫਹਮੀ ਹੋਈ ਅਤੇ ਮਯੰਕ ਰਨ ਆਉਟ ਹੋ ਗਏ. ਮਯੰਕ ਨੇ ਸਿਰਫ ਪੰਜ ਦੌੜਾਂ ਬਣਾਈਆਂ.

ਪੂਰਨ ਨੇ ਫਿਰ ਇੱਥੋਂ ਜਿੰਮੇਵਾਰੀ ਸੰਭਾਲੀ ਅਤੇ ਟੀਮ ਨੂੰ ਅੱਗੇ ਲੈ ਕੇ ਗਏ. ਪੰਜਾਬ ਨੇ 10 ਓਵਰਾਂ ਵਿੱਚ 101 ਦੌੜਾਂ ਬਣਾਈਆਂ. ਪੂਰਨ ਨੇ ਆਪਣਾ ਅਰਧ ਸੈਂਕੜਾ ਸਿਰਫ 27 ਦੌੜਾਂ 'ਤੇ ਪੂਰਾ ਕੀਤਾ, ਪਰ ਇਸ ਤੋਂ ਬਾਅਦ ਕਾਗੀਸੋ ਰਬਾਡਾ ਨੇ ਉਹਨਾਂ ਨੂੰ ਪਵੇਲੀਅਨ ਭੇਜਿਆ ਅਤੇ ਦਿੱਲੀ ਨੂੰ ਮੈਚ ਵਿਚ ਵਾਪਸ ਲੈ ਆਏ.

ਪੂਰਨ ਦੇ ਜਾਣ ਨਾਲ ਪੰਜਾਬ ਦਾ ਸਕੋਰ 125/4 ਹੋ ਗਿਆ. ਇਥੋਂ ਪੰਜਾਬ ਨੂੰ 45 ਗੇਂਦਾਂ ਵਿੱਚ 40 ਦੌੜਾਂ ਦੀ ਲੋੜ ਸੀ. ਮੈਕਸਵੈੱਲ ਨੇ ਅੱਜ ਸਮਝਦਾਰੀ ਵਾਲੀ ਪਾਰੀ ਖੇਡੀ ਅਤੇ ਇਕ ਵਾਰ ਫਿਰ ਪੰਜਾਬ ਨੂੰ ਮੈਚ ਵਿਚ ਵਾਪਸ ਲਿਆਏ. ਉਹ ਅੰਤ ਤੱਕ ਨਹੀਂ ਟਿਕ ਸਕੇ ਪਰ ਮੈਚ ਨੂੰ ਪੰਜਾਬ ਦੇ ਹੱਕ ਵਿੱਚ ਕਰ ਦਿੱਤਾ. ਉਹਨਾਂ ਨੇ ਪੂਰਨ ਨਾਲ 69 ਦੌੜਾਂ ਦੀ ਸਾਂਝੇਦਾਰੀ ਕੀਤੀ. ਇਸ ਤੋਂ ਬਾਅਦ ਹੁੱਡਾ ਅਤੇ ਨੀਸ਼ਮ ਨੇ ਟੀਮ ਦੀ ਜਿੱਤ ਪੱਕੀ ਕਰ ਦਿੱਤੀ.