ਕਿੰਗਜ਼ ਇਲੈਵਨ ਪੰਜਾਬ ਨੇ ਸੋਮਵਾਰ ਨੂੰ ਸ਼ਾਰਜਾਹ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਗਏ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 13 ਵੇਂ ਸੀਜ਼ਨ ਵਿੱਚ ਕੋਲਕਾਤਾ ਨਾਈਟ ਰਾਈਡਰ ਨੂੰ ਅੱਠ ਵਿਕਟਾਂ ਨਾਲ ਹਰਾਕੇ ਪਲੇਆੱਫ ਦੇ ਵੱਲ ਇਕ ਹੋਰ ਕਦਮ ਵੱਧਾ ਦਿੱਤਾ. ਮਨਦੀਪ ਸਿੰਘ, ਕ੍ਰਿਸ ਗੇਲ ਨੇ ਪੰਜਾਬ ਲਈ ਅਰਧ ਸੈਂਕੜੇ ਲਗਾਏ ਅਤੇ ਟੀਮ ਨੂੰ ਜਿੱਤ ਦਿਵਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ.
ਇਸ ਜਿੱਤ ਨੇ ਪੰਜਾਬ ਨੂੰ ਪਲੇਆਫ ਦੌੜ ਵਿੱਚ ਬਰਕਰਾਰ ਰੱਖਿਆ ਹੈ, ਪਰ ਕੋਲਕਾਤਾ ਦੀ ਰਾਹ ਨੂੰ ਮੁਸ਼ਕਲ ਬਣਾ ਦਿੱਤਾ ਹੈ. ਇਹ ਪੰਜਾਬ ਦੀ ਲਗਾਤਾਰ ਪੰਜਵੀਂ ਜਿੱਤ ਹੈ. ਟਾੱਸ ਜਿੱਤ ਕੇ ਪੰਜਾਬ ਨੇ ਕੋਲਕਾਤਾ ਨੂੰ ਬੱਲੇਬਾਜ਼ੀ ਲਈ ਬੁਲਾਇਆ ਸੀ. ਕੋਲਕਾਤਾ ਨੇ ਸ਼ੁਭਮਨ ਗਿੱਲ (57 ਦੌੜਾਂ, 45 ਗੇਂਦਾਂ, 3 ਚੌਕੇ, 4 ਛੱਕੇ) ਦੀ ਮਦਦ ਨਾਲ 20 ਓਵਰਾਂ ਵਿਚ 9 ਵਿਕਟਾਂ ਦੇ ਨੁਕਸਾਨ ਨਾਲ 149 ਦੌੜਾਂ ਬਣਾਈਆਂ ਸੀ.
ਕੇਕੇਆਰ ਲਈ ਈਯਨ ਮੋਰਗਨ ਨੇ 25 ਗੇਂਦਾਂ ਵਿੱਚ 40 ਦੌੜਾਂ ਦੀ ਮਹੱਤਵਪੂਰਣ ਪਾਰੀ ਖੇਡੀ. ਇਸ ਟੀਚੇ ਨੂੰ ਹਾਸਲ ਕਰਨ ਲਈ ਪੰਜਾਬ ਨੇ ਦੋ ਵਿਕਟਾਂ ਗੁਆਈਆਂ ਅਤੇ ਟੀਚਾ 19 ਵੇਂ ਓਵਰ ਦੀ ਪੰਜਵੀਂ ਗੇਂਦ ‘ਤੇ ਹਾਸਲ ਕਰ ਲਿਆ. ਲੋਕੇਸ਼ ਰਾਹੁਲ ਨਾਲ ਇਸ ਮੈਚ ਵਿੱਚ ਮਨਦੀਪ ਸਿੰਘ ਪਾਰੀ ਦੀ ਸ਼ੁਰੂਆਤ ਕਰਨ ਆਏ ਸੀ. ਇਸ ਜੋੜੀ ਨੇ ਟੀਮ ਨੂੰ ਧੀਮੀ ਸ਼ੁਰੂਆਤ ਦਿੱਤੀ, ਪਰ ਸ਼ੁਰੂਆਤ ਵਿਚ ਵਿਕਟ ਡਿੱਗਣ ਨਹੀਂ ਦਿੱਤਾ.
ਵਰੁਣ ਚੱਕਰਵਰਤੀ ਨੇ ਅੱਠਵੇਂ ਓਵਰ ਦੀ ਆਖਰੀ ਗੇਂਦ ਰਾਹੁਲ ਦੇ ਪੈਡਾਂ 'ਤੇ ਪਾਈ ਅਤੇ ਉਹ ਐਲ ਬੀ ਡਬਲਯੂ ਆਉਟ ਹੋ ਗਏ. ਰਾਹੁਲ ਨੇ 28 ਦੌੜਾਂ ਬਣਾਈਆਂ ਸੀ. ਗੇਲ ਨੇ ਵਰੁਣ ਦੇ ਅਗਲੇ ਓਵਰ ਵਿਚ ਦੋ ਸ਼ਾਨਦਾਰ ਛੱਕੇ ਲਗਾਏ ਅਤੇ ਇਸ ਨਾਲ ਪੰਜਾਬ ਦਾ ਸਕੋਰ 10 ਓਵਰਾਂ ਵਿਚ ਇਕ ਵਿਕਟ ਦੇ ਨੁਕਸਾਨ ‘ਤੇ 67 ਦੌੜਾਂ ਤੱਕ ਪਹੁੰਚ ਗਿਆ.
ਗੇਲ ਦੇ ਨਾਲ ਮਨਦੀਪ ਵੀ ਰੰਗ ਵਿੱਚ ਦਿਖੇ. ਮਨਦੀਪ ਨੇ ਰਾਹੁਲ ਦੇ ਜਾਣ ਤੋਂ ਬਾਅਦ ਆਪਣੀ ਜ਼ਿੰਮੇਵਾਰੀ ਨੂੰ ਚੰਗੀ ਤਰ੍ਹਾਂ ਸਮਝ ਲਿਆ ਅਤੇ ਸ਼ਾਨਦਾਰ ਬੱਲੇਬਾਜੀ ਕੀਤੀ. ਉਹਨਾਂ ਨੇ ਇਸ ਸੀਜ਼ਨ ਦਾ ਆਪਣਾ ਪਹਿਲਾ ਅਰਧ ਸੈਂਕੜਾ 16ਵੇਂ ਓਵਰ ਦੀ ਚੌਥੀ ਗੇਂਦ 'ਤੇ ਇੱਕ ਦੌੜ ਲੈ ਕੇ ਪੂਰਾ ਕੀਤਾ. ਗੇਲ ਨੇ ਵੀ ਆਪਣੇ ਪੰਜਾਹ ਦੌੜਾਂ ਪੂਰੀਆਂ ਕੀਤੀਆਂ. ਜਦੋਂ ਟੀਮ ਨੂੰ ਜਿੱਤ ਲਈ ਦੋ ਦੌੜਾਂ ਚਾਹੀਦੀਆਂ ਸਨ, ਤਾਂ ਗੇਲ ਨੂੰ ਲਾੱਕੀ ਫਰਗਸਨ ਨੇ ਆਉਟ ਕੀਤਾ. ਗੇਲ ਨੇ 25 ਗੇਂਦਾਂ ਵਿੱਚ 51 ਦੌੜਾਂ ਦੀ ਪਾਰੀ ਖੇਡੀ. ਉਹਨਾਂ ਨੇ ਪੰਜ ਛੱਕੇ ਅਤੇ ਦੋ ਚੌਕੇ ਲਗਾਏ.
ਗੇਲ ਨੇ ਮਨਦੀਪ ਨਾਲ 100 ਦੌੜਾਂ ਦੀ ਸਾਂਝੇਦਾਰੀ ਕੀਤੀ. ਮਨਦੀਪ 60 ਦੌੜਾਂ ਬਣਾ ਕੇ ਅਜੇਤੂ ਰਹੇ. ਆਪਣੀ ਪਾਰੀ ਵਿਚ ਮਨਦੀਪ ਨੇ 56 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ ਅੱਠ ਚੌਕੇ ਅਤੇ ਦੋ ਛੱਕੇ ਲਗਾਏ.
ਇਸ ਤੋਂ ਪਹਿਲਾਂ ਕੋਲਕਾਤਾ ਦੇ ਬੱਲੇਬਾਜ਼ਾਂ ਨੇ ਇਸ ਮੈਚ ਵਿਚ ਵਿਕਟਾਂ ਗੁਆਉਣੀਆਂ ਜਾਰੀ ਰੱਖੀਆਂ. ਪੰਜਾਬ ਦੇ ਗੇਂਦਬਾਜ਼ਾਂ ਅੱਗੇ, ਗਿੱਲ ਅਤੇ ਕਪਤਾਨ ਮੋਰਗਨ ਹੀ ਥੋੜੀ ਦੇਰ ਤੱਕ ਟਿੱਕ ਸਕੇ. ਉਨ੍ਹਾਂ ਦੋਵਾਂ ਨੇ ਚੌਥੇ ਵਿਕਟ ਲਈ 81 ਦੌੜਾਂ ਦੀ ਸਾਂਝੇਦਾਰੀ ਕੀਤੀ. ਕੇਕੇਆਰ ਦੀ ਸ਼ੁਰੂਆਤ ਬਹੁਤ ਹੀ ਖਰਾਬ ਰਹੀ ਸੀ ਅਤੇ ਉਹਨਾਂ ਨੇ 10 ਦੌੜਾਂ ਤੇ ਹੀ ਨਿਤੀਸ਼ ਰਾਣਾ (0), ਰਾਹੁਲ ਤ੍ਰਿਪਾਠੀ (7) ਅਤੇ ਦਿਨੇਸ਼ ਕਾਰਤਿਕ (0) ਦੀਆਂ ਵਿਕਟਾਂ ਗੁਆ ਦਿੱਤੀਆਂ ਸੀ.
